İran prezidenti Məsud Pezeşkian Qətər əmiri Şeyx Təmim bin Həməd Al Tani ilə birgə mətbuat konfransı keçirib.
Modern.az xarici KİV-ə istinadən xəbər verir ki, Pezeşkian mətbuat konfransında İranın İsrailə raket hücumu ilə bağlı verdiyi açıqlamada “biz əsla müharibə istəmirik. Mən əvvəldən demişəm ki, biz sülh və əmin-amanlıq axtarırıq, amma İsrail Tehranda qonağımızı qətlə yetirdi. Bizə dedilər ki, gözləsəniz Qəzzada atəşkəsi təmin edəcəklər. Müharibə olarsa, sülh əldə edilə bilməz. Biz sülh naminə gözlədik, lakin İsrail daha da qəddarlaşdı və biz cavab verməli olduq. İsrail fərqli addım atarsa, biz daha güclü cavab verəcəyik”.
M.Pezeşkian bildirib ki, böhranın qarşısı alınmalıdır.
“ABŞ və Avropa İsrailin bölgədə qırğınlar törətməsinin qarşısını almalıdır. Bölgədəki təhlükəsizlik heç kimə xeyir gətirmir. Heç bir bölgə müharibə yolu ilə inkişaf etməyib. Biz müharibə axtarmırıq, lakin İsrail bizi reaksiya verməyə məcbur edir”.
İran prezidenti bildirib ki, regionun təhlükəsizliyi bölgədəki bütün müsəlman ölkələrinin əlindədir.
“İsrail regionda təhlükəsizlik və böhran yaymağa çalışır və biz böhranın yayılmasının qarşısını almalıyıq. “Bölgədəki təhlükəsizlik nə regionun, nə də ABŞ və Avropanın maraqlarına uyğun deyil”.
