"Şuşa –2024-cü il İslam dünyasının mədəniyyət paytaxtı" ili çərçivəsində bugündən etibarən Şuşa Şəhəri Dövlət Qoruğu İdarəsinin təşkilatçılığı, İCESCO-nun dəstəyi ilə Şuşa şəhərində “Şuşa şəhərinin islam memarlıq irsi“ adlı simpozium öz işinə başlayıb.
Bu sözləri Şuşa şəhərində Azərbaycan Respublikası Prezidentinin xüsusi nümayəndəsi Aydın Kərimov bildirib.
“Şuşada bu günə qədər 20-yə yaxın abidələrimiz tam olaraq bərpa olunub və şəhər sakinlərinin də qonaqlarında üzlərinə açılıbdır. Daşaltı kəndinin ərazisində yeni tiklən məscidin tikintisi demək olar ki, başa çatmaqdadır.Daşaltı kəndi bildiyiniz kimi tam yenidən olaraq bir turuuzm məkanı kimi qurulur orada özəl investorlar tərəfindən artıq təxminən 8 hektarlıq ərazidə layihənin icrasına başlanılıbdır.
Prezidentin xüsusi nümayəndəsi Turşsu qəsəbəsində görülən işlərdən də söz açdı və qəsəbəyə keçmiş məcburi köçünlərin qaytarılacağı vaxtı da açıqladı.
“Turşsu qəsəbəsində də işlər davam etdirilir orada hal-hazırda kəndin tam yeni layihəsinə konsepsiyasına uyğun olaraq ilk 50 evin inşası gedir və əsas kənd infrastrukturu tam olaraq yenidən olaraq bərpa olunur və tikilməkdədir.Orada da həm turist məkanları olacaq çünki onun yerləşməsi çox gözəl məkandadır və düşünürük ki, gələn ildən artıq ora biz əhalinin keçmiş məcburi köçkünlərin qayıtmasını təmin etməyə başlayacağıq", A. Kərimov əlavə edib.
Qeyd edək ki, Simpoziumun növbəti günləri panel müzakirələri ilə davam edəcək. Panel sessiyalarda: “Tarixi şəhər toxumasının regenerasiyası”, “Abidələrin müasir həyatı”, “Dayanıqlı memarlıq, material, layihə , icra” mövzularında müzakirələr aparılacaq.
