İranın xarici işlər naziri Abbas Əraqçı və Səudiyyənin vəliəhdi Ər-Riyadda görüşüb. Yüksək səviyyəli iranlı diplomatın regional turunun ilk mərhələsi Səudiyyənin paytaxtından başlayıb.
Crossmedia.az İRNA agentliyinə istinadən xəbər verir ki, İran Xarici İşlər Nazirliyinin sözçüsü Esmaeil Baghaeinin X-da etdiyi paylaşıma görə, Tehran-Ər-Riyad əməkdaşlığı və regional məsələlər, o cümlədən Qəzza müharibəsi əsas müzakirə mövzusu olub.
Onlar ikitərəfli münasibətlərdə davam edən müsbət tendensiyadan məmnunluqlarını ifadə ediblər və ikitərəfli əməkdaşlığın daha da inkişaf etdirilməsinin zəruriliyini vurğulayıblar. Bölgədəki vəziyyət müzakirə edilib, Qəzza və Livanda soyqırımın, müharibənin dayandırılması üçün regional və beynəlxalq əməkdaşlığın canlandırılmasının vacibliyini vurğulayıblar.
Görüşdən əvvəl Əraqçi Səudiyyə Ərəbistanının xarici işlər naziri Feysəl bin Fərhanla da konstruktiv danışıqlar aparıb. Danışıqlarda bölgədə, xüsusilə də İsrailin intensiv hücumlarının davam etdiyi Qəzza və Livanda baş verən hadisələr də diqqət mərkəzində olub.
İran və Səudiyyə Ərəbistanının xarici işlər nazirləri Livan və Qəzzada müharibələrə son qoymağa çağırıb və məcburi köçkünlərə humanitar yardımın təcili çatdırılmasını tələb ediblər.
Əraqçinin Səudiyyə Ərəbistanına səfəri İsrailin təcavüzü fonunda Qərbi Asiyada gərginliyin yüksək olaraq qaldığı bir vaxta təsadüf edir.
Maral Şahverdili
