Aşqabad şəhərində Qazaxıstan-Türkmənistan iqtisadi, elmi, texniki və mədəni əməkdaşlıq üzrə Hökumətlərarası Komissiyanın 13-cü iclası keçirilib.
“Kazinform”un məlumatına görə, Qazaxıstan hökumətinin mətbuat xidməti bu barədə Türkmənistan Nazirlər Kabinetinin sədri Batır Atdayevə istinadən bildirib.
Tərəflərin nümayəndələri komissiyanın 2023-cü ilin mayında Astanada keçirilmiş əvvəlki iclasında müzakirə olunan məsələlər ətrafında fikir mübadiləsi aparıblar.
Ticarət-iqtisadi əməkdaşlığın, sənaye kooperasiyası, kənd təsərrüfatı, nəqliyyat və logistika, maliyyə, təhsil və mədəniyyət sahələrində qarşılıqlı fəaliyyətin inkişaf perspektivlərinə də diqqət yetirilib. İki ölkə arasında neft-qaz sektorunda yaxınlaşma və regionlararası əməkdaşlıq məsələləri xüsusilə vurğulanıb.
"Tərəflər qəbul edilmiş qərarların qarşılıqlı fəaliyyətin bütün sahələrində ikitərəfli münasibətlərin daha da möhkəmlənməsinə və dərinləşməsinə töhfə verəcəyinə əminliklərini ifadə ediblər", - məlumatda deyilir.
Bildirilir ki, görüşün yekunlarına dair müvafiq protokol imzalanıb.
