Türkiyə Prezidenti Rəcəb Tayyip Ərdoğan "İsrail 1 ildir davam etdirdiyi soyqırımın hesabını mütləq ödəyəcəkdir" sözləri ilə İsrailin etdiklərinə münasibət bildirib.
Crossmedia.az TRT AVAZ-a istinadən bildirir ki, Ərdoğan 7 oktyabr 2023-cü ildə baş verən hadisələrə istinad edərək İsrailin on minlərlə fələstinlinin ölümünə səbəb olan hücumlarını tənqid edib.
Ərdoğan bu açıqlamalarında yalnız günahsız insanların deyil, həm də insanlığın öldüyünü vurğulayıb və Türkiyənin İsrail hökumətinin hərəkətlərini beynəlxalq ictimaiyyətə çatdırmağa davam etdirdiyini bildirib.
Onun çıxışında “İsrail etdiyi soyqırımla fələstinliləri öldürür, İsrailin soyqırımı insanlığı öldürür” ifadəsi xüsusilə diqqət çəkib.
Ləman Məmmədova
